डॉ. मुंजाळ यांच्या मते, व्हाईट फंगस हा कोरोनामुळे प्रतिकारशक्ती कमी झालेल्या लोकांना त्रास देत आहे.
- व्हाईट फंगस (एस्परगिलोसिस) हा ब्लॅक फंगसएवढा धोकादायक नाही. ब्लँक फंगसचा हल्ला हा शरिरातील आतील भागांवर होतो, तर त्याचवेळी व्हाईट फंगस हा शरिराच्या बाहेर भागांवर होतो. या आजारावर घरबसल्या उपचार करता येतात. रुग्णालयात जाण्याची वेळ फार कमी लोकांवर आली आहे.
- ब्लॅक फंगसवर ऑपरेशन देखील करावे लागत आहे. तर व्हाईट फंगस हा औषधाने बरा होतो.
- व्हाईट फंगसमुळे मृत्युचा धोका खूपच कमी आहे. त्याचवेळी ब्लॅक फंगसने मात्र 20 ते 80 टक्क्यांपर्यंत मृत्युदर नोंदला गेला आहे.
- व्हाईट फंगसचा विचार केल्यास हा संसर्ग रक्तापर्यंत पोचण्याची शक्यता खूपच कमी आहे. एखादा रुग्ण व्हेंटिलेटरवर उपचार घेऊन घरी आला असेल किंवा त्याला जुना आजार असेल तरच त्याला या आजाराचा त्रास होऊ शकतो. अधिक प्रमाणात स्टेरॉईड घेतल्याने देखील हा आजार घातक ठरत आहे.
- व्हाईट फंगस हा वेगाने पसरत नसल्याने त्याचा उपचार करायला वेळ मिळतो.
कोणाला सर्वाधिक धोका?
- हा आजार कोणालाही होऊ शकतो. परंतु नवजात बाळात अशा प्रकारचा संसर्ग होण्याची जोखीम अधिक आहे. या आजाराचा फैलाव दुधाचे निप्पल आणि डायपरचा ओलेपणामुळे होऊ शकतो. त्यामुळे पालकांना त्याची विशेष काळजी घ्यावी लागेल.
- याशिवाय आयसोलेशनमध्ये राहताना साफ सफाईची काळजी न घेणार्या ज्येष्ठांतही या आजाराची लागण झाल्याचे उघड झाले आहे.
- वेळोवेळी कपडे न बदलणे, शरिराची निगा न राखणे, खोलीतील अस्वच्छता, व्हेंटिलेशन नसणे आदी. मधुमेह आणि कर्करोगाचा आजार असलेल्या लोकांना देखील व्हाईट फंगसची बाधा लवकर होते.
लक्षणे कोणती?
- हा फंगस घट्ट आणि ओलसर राहणार्या जागेवर वेगाने पसरतो. त्यामुळे शारिरीक स्वच्छता गरजेची आहे.
- दररोज स्नान करणे, कपडे बदलणे, ऊन अंगावर येणे, ताजे भोजन घेणे आदींबाबत नागरिकांनी सजग राहणे आवश्यक आहे.
- व्हाईट फंगसची प्राथमिक लक्षणे म्हणजे जीभेवर, तोंडावर किंवा शरिरावर पांढरे चट्टे पडणे. म्हणूनच कोरानातून बरे झालेल्या नागरिकांनी सुरवातीचे काही दिवस अशा लक्षणांकडे लक्ष देणे गरजेचे आहे. अशी लक्षणे दिसल्यास तात्काळ डॉक्टरांशी संपर्क साधावा. आपल्या मनाप्रमाणे औषध घेण्याचे टाळावे.