व्हेरिकोज व्हेन्सचे निदान करण्यासाठी डॉक्टरांकडे जाऊन शरीरातील तपासणी करावी लागते. आवश्यकता भासल्यास डॉक्टरांच्या सल्ल्यानुसार अल्ट्रासाऊंड या छोटय़ा स्वरूपातील चाचणीस सामोरे जावे लागते. नसांमधील व्हॉल्व्हचे कार्य व्यवस्थितपणे सुरू आहे किंवा नाही आणि त्यात रक्ताच्या गाठी निर्माण झाल्या आहेत का, याबाबत खातरजमा करण्यासाठी ही चाचणी केली जाते.
व्हेरिकोज व्हेन्सवर फक्त शस्त्रक्रियेद्वारे उपचार होऊ शकतात, असा गैरसमज लोकांमध्ये निर्माण झाला आहे. पण या आजाराचे निदान अगदी सुरूवातीच्या टप्प्यात झाले तर योग्य आणि डॉक्टारांच्या सल्ल्यानुसार नियमित व्यायाम, वजन कमी करणे, आरामदायी आणि सैलसर कपडे घालणे, त्याचबरोबर पायांवर जादा ताण आणणार्या क्रिया, उदा. सतत पाय उंचावणे, दीर्घकाळ उभे राहणे किंवा एकाच जागी पाय खाली सोडून बसणे इत्यादी टाळल्यास होणारा त्रास कमी होऊ शकतो.
व्हेरिकोज व्हेन्सच्या विकाराकडे दुर्लक्ष केले तर मात्र ही व्याधी गंभीर स्वरूप धारण करू शकते. अशा वेळी या आजारावर शस्त्रक्रिया हाच योग्य पर्याय ठरू शकतो. या शस्त्रक्रियांमध्येही विविध पद्धती आहेत. तुमचे डॉक्टर
तुमच्यासाठी योग्य ती शस्त्रक्रियेची पद्धत निवडू शकतात.
व्याधीचे स्वरूप, तीव्रता, त्या जोडीने असलेले इतर विकार आणि रूग्णाची एकूण आरोग्यस्थिती यांचा विचार करूनच ही पद्धत निवडणे चांगले.
या शस्त्रक्रियांमध्ये स्क्लेरोथेरपी, कॅथटर-असिस्टेड मेथड, व्हेन स्ट्रिपिंग, अँब्युलेटरी फ्लेबेक्टोमी, एन्डोस्कोपीक व्हेन सर्जरी असे विविध प्रकार आहेत. रूग्णाने आवश्यक वाटल्यास या सर्व पद्धती, त्यांच्यातील फरक, फायदे तोटे, खर्च या सर्वांबाबत आपल्या डॉक्टरांशी चर्चा करावी. म्हणजे योग्य माहिती असल्यावर योग्य निर्णय घेणे सोपे होते.
व्हेरिकोज व्हेन्सवरील लेसर उपचार पद्धतीमध्ये रूग्ण सकाळी क्लिनिकला आला की सायंकाळी घरी जातो. लिओनार्डो लेसर तंत्रज्ञानावर आधारित एन्डोव्हेनस लेसर अँब्लेशन अर्जरी (इएलव्हीएस) ही शस्त्रक्रिया फक्त 30 मिनिटांत पूर्ण होते. शस्त्रक्रियेदरम्यान शरीराला कोणताही छेद घेतला जात नाही किंवा मलमपट्टी करावी लागत नाही. त्यामुळे रूग्ण लवकर बरे होऊन घरी जाऊ शकतात. दुसर्या दिवसापासून ते
नेहमीची कामेही सुरू शकतात.