ऑनलाइन टीम / मुंबई :
दादर येथील इंदू मिलमध्ये होणाऱया डॉ. बाबासाहेब आंबेडकर यांच्या प्रस्तावित स्मारकाच्या जागेची व आराखडय़ाची पाहणी राष्ट्रवादी काँग्रेसचे राष्ट्रीय अध्यक्ष, खासदार शरद पवार हे उद्या दुपारी 3.30 वाजता करणार आहेत.
महाराष्ट्र विकास आघाडी सरकारने सत्तेत येताच अनेक महत्वाच्या कामांना गती देण्याचे काम सुरू केले असून त्यामध्ये इंदू मिलमधील डॉ. बाबासाहेब आंबेडकर यांच्या स्मारकाचा देखील समावेश आहे.
दरम्यान, उपमुख्यमंत्री अजित पवार आणि अल्पसंख्याक मंत्री नवाब मलिक यांनी नुकताच भारतरत्न डॉ. बाबासाहेब आंबेडकर यांच्या इंदू मिलमधील प्रस्तावित स्मारकाच्या जागेची व आराखडय़ाची पाहणी केली होती. त्यानंतर उपमुख्यमंत्री शरद पवार व सामाजिक न्यायमंत्री धनंजय मुंडे यांनी संयुक्त पत्रकार परिषद घेत पुढील दोन वर्षांत इंदू मिलच्या जागेवर डॉ. बाबासाहेब आंबेडकर यांचे भव्य स्मारक उभे करण्याचे जाहीर केले होते.
दरम्यान, उद्या पाहणीसाठी पवारंसोबत अल्पसंख्याक मंत्री व मुंबई अध्यक्ष नवाब मलिक, सामाजिक न्यायमंत्री धनंजय मुंडे देखील उपस्थित राहणार आहेत.