ऑनलाईन टीम / पुणे :
राष्ट्रवादी काँग्रेसचे शरद पवार यांच्या हत्येचा कट रचला जात असल्याची तक्रार पुण्यातील शिवाजीनगर पोलीस ठाण्यात दाखल करण्यात आली आहे. या प्रकरणी ज्येष्ठ पत्रकार भाऊ तोरसेकर आणि पोस्टमन या युटय़ुब चॅनेलवर कमेंट करणाऱयाविरोधात लक्ष्मीकांत खाबिया यांनी ही तक्रार दाखल केली आह
गोपनीय तातडीची तक्रार म्हणून लक्ष्मीकांत खाबिया यांनी आजच ही तक्रार दाखल केली असून सोशल मीडियावरील मेसेजेसचा संदर्भ त्यांनी दिला आहे.
महाविकास आघाडीचे सरकार आल्यानंतर भाऊ तोरसेकर व इतर लोकांकडून युटय़ुब, पोस्टमन पोर्टल आदी सोशल मीडियावर पोस्ट केलेल्या व्हिडिओमधील भाषणे पाहिली तर तरुणांमध्ये व समाजात शरद पवार यांना संपवले पाहिजे, बॉम्ब व गोळय़ांचा वापर केला पाहिजे, अशी चिथावणीखोर वक्तव्ये केल्याचे निदर्शनास आले आहे. दरम्यान, हे प्रकरण गंभीर असल्याचे खाबिया यांनी तक्रारीमध्ये म्हटले आहे.