प्रतिनिधी/ बेळगाव
लोकसभा पोटनिवडणूक होत आहे. त्या पार्श्वभूमीवर मतदारांना मतदानासंदर्भात जनजागृती करण्यासाठी जिल्हा स्वीप समितीच्यावतीने शहरातून मोटारसायकल रॅली काढण्यात आली. जिल्हा शिक्षणाधिकारी कार्यालय येथे या रॅलीचे उद्घाटन करण्यात आले. त्यानंतर शहरातून ही रॅली काढण्यात आली आहे.
मतदानाचा हक्क प्रत्येकाने बजावावा, मतदानाचा हक्क बजावणे हे प्रत्येकाचे कर्तव्य आहे. तेव्हा मतदानासाठी पुढे या, असे फलक हाती घेऊन ही रॅली काढण्यात आली. सकाळी 10 वाजता रॅलीचे उद्घाटन झाले. शिक्षण खात्याच्या कार्यालयातून या रॅलीला सुरुवात झाली. कित्तूर चन्नम्मा चौक, आरटीओ सर्कल, किल्ला तलाव, कणबर्गी रोड, रामतीर्थनगर यासह इतर परिसरातून ही रॅली काढण्यात आली.
यावेळी बीईओ रवी बजंत्री, जिल्हा स्वीप समितीचे राघवेंद्र अण्णीकेरी, पी. पी. देशपांडे, ए. पी. बसवनाळ यांच्यासह इतर अधिकारी व कर्मचारी उपस्थित होते.