विमला गोयंका इंग्लिश मीडियम स्कूलमधील विद्यार्थ्यांच्या पालकांची मागणी : शाळा व्यवस्थापनाला निवेदन
प्रतिनिधी/ कोल्हापूर
शासन आदेशानुसार 2021- 22 च्या शैक्षणिक वर्षातील फी मध्ये 15 टक्के सवलत द्यावी, अशी मागणी विमला गोयंका इंग्लिश मीडियम स्कूलमधील विद्यार्थ्यांच्या पालकांनी दि. न्यू एज्युकेशन सोसायटीच्या व्यवस्थापनाकडे एका निवेदनाद्वारे केली आहे.
गोयंका स्कूलच्या प्राचार्यांना दिलेल्या निवेदनात म्हटले आहे की : 2022च्या सुरुवातीला शाळा दोन महिने ऑफलाइन बंद होती. तरीही शासनाच्या आदेशानुसार आम्ही सर्व पालक 85 टक्के फी भरण्यास तयार आहोत. शाळेने फी मध्ये 15 टक्के सवलत द्यावी, अशीवनंती या निवेदनात करण्यात आली. निवेदनावर शाळेतील पालक कमिटीच्या राधिका ठोंबरे, रश्मी सूर्यवंशी, आश्विनी काटकर, स्वाती कोठावळे, अबोली जाधव, वैभवी सूर्यवंशी, आर्या महाजन, वैशाली कुलकर्णी, यांच्यासह रोहन टोणपे, अमोल काटकर, उमेश जाधव या पालकांच्याही स्वाक्षऱया आहेत.