कोल्हापूर / प्रतिनिधी उचत (ता. शाहूवाडी) येथील चौत्तीस वर्षीय युवकाचा कोरोना अहवाल पॉझिटिव्ह आला आहे. शाहूवाडीतला तो पहिला, तर जिल्ह्यातील पाचवा कोरोनाग्रस्त आहे. जिल्हा वैद्यकीय पथक येथील परिसरात रवाना झाले असून, या व्यक्तीच्या संपर्कात आलेल्या अन्य व्यक्तींचा शोध सुरु आहे. मलकापूरपासून पांढरेपाणीकडे जाणाऱ्या मार्गावर उचत हे गाव आहे. संबंधित तरुण हा तबलिगच्या कार्यक्रमास दिल्लीस गेला होता. कोल्हापुरात कोरोना रुग्णांची संख्या दिवसेंदिवस वाढत आहे.
इस्लामपूर येथील नातेवाईकांच्या संपर्कात येऊन कोरोना पॉझिटीव्ह झालेल्या वडगाव येथील तरुणीचा रिपोर्ट कालच निगेटीव्ह आला होता. त्यामुळे वडगाव शहरातील नागरिकांनी अखेर निश्वास सोडला होता. परंतु आज शाहूवाडीत रुग्ण सापडल्याने पुन्हा एकदा शहरात भीतीचे वातावरण निर्माण झाले आहे.