काँग्रेसचे डॉ. आर. एम. कुबेरप्पा यांनी केली नियुक्ती
प्रतिनिधी /बेळगाव
शिक्षक आणि पदवीधर सेल अध्यक्षपदी ऍड. जगदीश शंभू सावंत यांची नियुक्ती करण्यात आली आहे. काँग्रेसचे राज्याध्यक्ष डॉ. आर. एम. कुबेरप्पा यांनी ही निवड केली आहे. ऍड. जगदीश सावंत यांनी पक्ष बळकटीसाठी जे प्रयत्न केले आहेत, त्याची दखल घेऊन ही निवड करण्यात आली आहे. त्यांची निवड करण्यासाठी राज्याचे प्रधान कार्यदर्शी एन. बी. बन्नूर आणि काँग्रेसचे जिल्हाध्यक्ष विनय नावलगट्टी यांनी ही शिफारस केली होती. त्यानुसार ही निवड करण्यात आली आहे. या निवडीबद्दल त्यांचे अभिनंदन होत आहे.