प्रतिनिधी/ बेळगाव
शिक्षक बदली प्रक्रिया विलंबाने का होईना राबविण्यात येत असून बदली प्रक्रियेच्या प्रतीक्षेत असलेल्या इच्छुक शिक्षकांनी यासाठी अर्ज केला आहे. 30 नोव्हेंबर ही बदलीसाठी अर्ज करण्याची अंतिम तारीख होती. त्यानुसार बेळगाव शैक्षणिक जिल्हय़ातून एकूण 2 हजार 927 शिक्षकांनी बदलीसाठी अर्ज केले आहेत. गतवर्षीच्या तुलनेत ही संख्या कमी असून राज्यात 69 हजार शिक्षकांनी बदलीसाठी अर्ज केले आहेत.
बेळगाव शैक्षणिक जिल्हय़ातून प्रामुख्याने 2 हजार 315 शिक्षक विनंतीनुसार बदली प्रक्रियेच्या प्रतीक्षेत आहेत. तर परस्पर बदलीसाठी 256 शिक्षकांनी अर्ज केले आहेत. शिवाय 256 शिक्षक सक्तीच्या बदली प्रक्रियेला सामोरे जाणार आहेत. कोरोनामुळे सदर बदली प्रक्रिया लांबणीवर पडली होती. मात्र अर्ज पडताळणी, बदलीची यादी, कौन्सिलिंग पूर्ण करत डिसेंबरअखेर बदली प्रक्रिया पूर्ण करण्यात येण्याची शक्यता आहे.