ऑनलाईन टीम / नवी दिल्ली :
भारतीय सलामीवीर शिखर धवन गुडघ्याच्या दुखापतीमुळे वेस्ट इंडीज विरुद्ध होणाऱया टी-20 दौऱयातून बाहेर झाला आहे. त्याच्या जागी अद्याप कोणाची निवड करण्यात आली नाही आहे.
तीन सामन्यांच्या मालिकेला 6 डिसेंबरपासून सुरुवात होत आहे. दरम्यान, भारतीय संघाने विराट कोहली याच्या नेतृत्वात तीन सामन्यांच्या वनडे मालिकेत ऑस्ट्रेलियाला 2-1 ने पराभूत केले. रविवारी बंगळुरू वनडे सामन्यादरम्यान ऑस्ट्रेलियाचा कर्णधार आरोन फिंचने मारलेला शॉट रोखण्याच्या प्रयत्नात धवनला दुखापत झाली होती.
दरम्यान शिखरच्या जागेवर संजू सॅमसन, मयांक अग्रवाल आणि पृथ्वी शॉ यांच्यापैकी एकाला संधी मिळू शकते. तिघेही सध्या भारत अ संघासोबत न्यूझीलंडमध्येच आहेत. दुखापतीतून सावरताना पृथ्वीनं न्यूझीलंड एकादश संघाविरुद्ध 100 चेंडूंत 150 धावांची खेळी नुकतीच केली आहे.