शिरगाव / वार्ताहर
शिरगाव ( ता राधानगरी ) येथे आज एकाच घरातील तब्बल 20 जणांचे कोरोना रिपोर्ट पॉझिटिव्ह आल्याने गावातील एकूण रुग्णांची संख्या 21 वर पोहोचली असून संपूर्ण गावभर भीतीचे वातावरण पसरले आहे परिणामी खबरदारी व सुरक्षितता म्हणून ग्रामपंचायत पदाधिकारी व दक्षता कमिटीने संपूर्ण गावातील सर्व व्यवहार बंद ठेवून नागरिकांनी होम क्वारंटाईन व्हावे असे आवाहन केले आहे .
पाच दिवसापूर्वी त्रेचाळीस वर्षाचे जाधववाडी गावाहून जावई व लेक शिरगाव येथे सासुरवाडीला आले होते .गुरुवारी सायंकाळी त्यांना सर्दी , ताप , खोकल्याचा त्रास होऊ लागला म्हणून त्यांचा स्वॅब तपासणीसाठी नेला होता. त्यांचा अहवाल पॉझिटिव्ह आल्याने सासुरवाडीतील तब्बल 27 जणांना क्वारंटाईन केले होते. त्यापैकी आज सायंकाळी चार वाजता वीस जणांचा अहवाल पॉझिटिव्ह आल्याने गावात एकच खळबळ माजली आहे.
अजूनही त्यांच्या संपर्कात कोण आहेत का ? याबाबत ग्रामपंचायत पदाधिकारी, दक्षता कमिटी, आशा वर्कर ,डॉक्टर ,नर्स ,अंगणवाडी सेविका, मदतनीस कसून चौकशी करत आहेत तरीदेखील ग्रामपंचायत पदाधिकाऱ्यांनी संपूर्ण गावभर निर्जंतुकीकरणासाठी औषध फवारणी केली असून समाजप्रबोधनाचे काम सुरू केले आहे. दरम्यान राधानगरी पोलिसांनी शिरगाव गावासह इतर गावावर देखील करडी नजर ठेवली असून गस्त वाढविली आहे.
Previous Articleसोलापूर ग्रामीणमध्ये आज १३७ बाधितांची भर,6 जणांचा मृत्यू
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.