शिराळा / प्रतिनिधी
शिराळा तालुक्यात आज( दि.२४) एकाच दिवशी 22 नवे पूर्ण रुग्ण आढळून आले गेल्या दोन-तीन दिवसात सातत्याने संख्येत वाढ होत आहे. त्यामुळे प्रशासनाने सतर्कतेचे आदेश दिले आहेत. यामध्ये सात स्रिया आणि पंधरा पुरूष आहेत. हे रुग्ण सर्व वयोगटातील आहेत.
शिराळा तालुक्यात कोरोना रूग्ण संख्येत पुन्हा वाढ होऊ लागली आहे. प्रशासनाकडून योग्य ती खबरदारी घेतली जात आहे. आज एकाच दिवशी नवीन २२ रूग्णांची वाढ झाली आहे. सर्वाधिक सहा मांगले, तीन सांगाव, तर दोन अंत्री बुद्रुक शिवाय इंगरुळ, शिराळा, बिळाशी, कांदे, उपवळे, येळापूर ,कोकरूड, चिखलवाडी देववाडी तसेच गोंडोली आणि हारूगडेवाडी ( जि.कोल्हापूर) या गावात प्रत्येकी एक रूग्ण आढळला आहे.