परचुरी गावातही विहीरी जाणकांराच्यामतेराजाकिंवासेनापतीचेचित्रअसण्याचीशक्यता
संगमेश्वर/ वार्ताहर
संगमेश्वर तालुक्याला शिवकालीन इतिहास आहे.ऐतिहासिक वारसा असलेल्या या तालुक्यात अनेक गुढ आकृत्यांचा आजही उलघडा झालेला नाही.अनेक गुढ आकृत्या अनेक ठिकाणी अस्तावस्त पडलेल्या दिसून येतात.संगमेश्वर तालुक्यातील माभळे येथील शिवकालीन विहिरीत अशीच गुढ आकृती आढळून आली आहे. ही आकृती कशाची आहे याबाबत अनेक तर्क वितर्क लढविले जात आहेत. दरवर्षी पाण्यात बुडून तीचे अस्तित्व नष्ट होत असून त्या जतन करण्याची आवश्यकता व्यक्त करण्यात येत आहे.
निढळेवाडीच्या व ओझरखोलच्या टोकांवर व माभळे गावाच्या वरच्या सपाट भागावर शिवकालीन विहीर आहे. ही शिवकालीन विहीर जांभ्या व काळया दगडांमध्ये कोरलेली आहे. मनुष्यवस्ती नसलेल्या ठिकाणी ही विहिर आढळते.पूर्ण जांभ्या दगडात कोरलेल्या या विहीरीचे पाणी कधीही संपत नाही.पावसाळयात ही विहीर पूर्णपणे भरुन वाहते.या विहिरीत खाली उतरण्यासाठी पायऱया आहेत.उन्हाळयात मुबलक पाणी असलेल्या या विहिराचा उपयोग शिवकाळात केला जात होता.या विहीरीचे पाणी खाली गेल्याने अनेक गुढ आकृत्या दिसू लागल्या आहेत.विहीरीत आतमध्ये कोरलेल्या आकृत्या नक्की काय आहेत याचा उलघडा अजुनही झालेला नाही.दोन हात तसेच पाय व डोकाच्या आकार असलेली आकृतीही या भिंतीवर पाहायला मिळतात.निढळेवाडी येथे शिवाजींच्या काळात आरमारात नौका येथे बनविण्यात आली असे जाणकार सांगतात.याचा संबंध या ठिकाणी काही जाणकार लावतात.विहीरीच्या आजुबाजुला असलेली सपाट जागा म्हणजेच या ठिकाणी घोडे तसेच हत्तींसाठी दल असावे असे काही जण तर्क काढतात तसेच या विहीरीत उतरण्यासाठी पायऱया म्हणजेच घोडयांना उतरण्यासाठी केलेली जागा आहे असेही जाणकार सांगतात.मात्र या ठिकाणी सापडलेली या आकृत्या नक्की कसल्या आहेत याबाबत अजुनही कसला उलघडा झालेला नाही. दरवर्षी विहीरीत मोठया प्रमाणात पाणी साचत असल्याने त्या नष्ट होण्याची शक्यता आहे.त्यामुळे त्या आकृत्यांची जतनही होणे आवश्यक आहे.तसेच पुरातत्व विभागाने याठिकाणी लक्ष देण्याची गरज असल्याचे मत व्यक्त आहे.
माभळे गावाप्रमाणे परचुरी गावामध्येही अशाच प्रकारच्या विहीरी आढळतात. या विहीरी कातळामध्ये खोदकाम करुन काढण्यात आलेल्या आहेत. तसेच दोन्ही गावातील विहीरींची रचना सारखीच आहे. त्यामुळे त्या समकाळातील असाव्यात असे वाटते. परंतू परचुरी या विहीरीप्रमाणे कातळशिल्प आहेत मात्र माभळे गावात अशा प्रकारची कातळशिल्प पहायला मिळत नाहीत.