प्रतिनिधी / बेळगाव
शिवबसवनगर येथील जोतिबा देवस्थान येथे मंगळवारी चैत्र पौर्णिमेनिमित्त देवाची दरबारी पोशाखातील बैठय़ा स्वरुपाची आरास करून विधिवत पूजा करण्यात आली.
प्रारंभी सकाळी 7 वा. रुद्राभिषेक, दवणा पाद्यपूजा करण्यात आली. त्यानंतर पुजारी गणेश धडेल यांनी देवाची दरबारी स्वरुपाची पूजा बांधून तीर्थप्रसादाचे वितरण केले.
प्रतिवर्षी या ठिकाणी चैत्र पौर्णिमेनिमित्त मोठय़ा उत्साहात यात्रा साजरी केली जाते. मात्र यंदा देशभर कोरोनाचे संकट आल्यामुळे यात्रा व महाप्रसाद रद्द करण्यात आला आहे. यावेळी देवाकडे कोरोनाचे संकट दूर करण्याची मागणी करण्यात आली.