माळमारुती पोलीस स्थानकात फिर्याद
प्रतिनिधी/ बेळगाव
शिवबसवनगर येथे घरासमोर उभी करण्यात आलेल्या इनोव्हाची चोरी झाली आहे. शनिवारी सकाळी चोरीचा हा प्रकार उघडकीस आला आहे. माळमारुती पोलीस स्थानकात यासंबंधी एफआयआर दाखल करण्यात आला आहे.
डॉ. मृत्यूंजय बेल्लद यांनी फिर्याद दिली आहे. केए 22 एमए 4761 क्रमांकाची इनोव्हा त्यांनी शुक्रवारी रात्री आपल्या घरासमोर उभी केली होती. शनिवारी सकाळी पाहिले असता कारची चोरी झाल्याचे उघडकीस आले. त्यानंतर माळमारुती पोलिसांना या घटनेची माहिती देण्यात आली. पोलीस निरीक्षक बी. आर. गड्डेकर पुढील तपास करीत आहेत.