जिल्हा बँकेवर भगवा फडकला जाणारच – राऊत
सावंतवाडी/ प्रतिनिधी-
केंद्रीय मंत्री नारायण राणे यांची नियुक्ती झाल्यानंतर सिंधुदुर्ग जिल्ह्यात शिवसेनेने आपल्या नेते, पदाधिकारी, कार्यकर्त्यांना एक संघटित होण्याच्या दृष्टीने पावले उचलली आहेत. त्या अनुषंगाने जिल्ह्यात संपर्क अभियान दौरे आयोजित केले आहेत. अभियानाची सुरुवात सावंतवाडी येथून झाली.
या संपर्क अभियानात माजी पालकमंत्री तथा आमदार दीपक केसरकर यांनी जिल्ह्यातील नेते एक संघ व्हायला हवे आणि सर्व शिवसैनिकाने एकत्रित काम करूया, मागील चुका आता पुन्हा नको, सात वर्षांपूर्वी परिस्थिती पुन्हा आता येऊ देता कामा नये यासाठी सर्वांनी आता एकत्र होऊन काम करूया असे आवाहन केले.
तर खासदार विनायक राऊत यांनी शिवसेना वाघाच्या निधड्या छातीची आहे. मंत्रिपदाचा पदाचा दुरुपयोग करून स शिवसेना संपवण्याची भाषा करत असतील तर ते कदापीही शक्य नाही. यापुढे जिल्हा बँक, जिल्हा परिषद, नगरपालिकेवर भगवा फडकला जाणारच असे त्यांनी स्पष्ट केले. यावेळी अरुण दुधवडकर, संजय पडते, विक्रांत सावंत, जानवी सावंत, नरेंद्र परब, रुपेश राहुल, बाबुराव धुरी आदी पदाधिकारी कार्यकर्ते उपस्थित होते.