बापट गल्ली येथे तणाव : काहीकाळ दुकाने बंद
प्रतिनिधी /बेळगाव
बापट गल्ली येथे शेड उभारल्यावरून दोन गटांत वादावादीचा प्रसंग घडला. या घटनेनंतर परिसरात काहीकाळ तणाव निर्माण झाला होता. व्यापाऱयांनी आपली दुकाने बंद ठेवली. खडेबाजार पोलीस स्थानकाबाहेरही स्थानिक नागरिकांनी गर्दी केली होती.
बुधवारी सायंकाळी 5.30 वाजण्याच्या सुमारास बापट गल्ली येथील एका मजारवर शेड उभारण्यावरून वादावादीचा प्रसंग घडला. परिसरात तणावाची स्थिती निर्माण होताच स्थानिक नागरिकांनी आपली दुकाने बंद केली. खडेबाजार पोलीस स्थानकाबाहेर नागरिकांनी गर्दी केली होती.
पोलीस निरीक्षक दिलीप निंबाळकर यांच्या उपस्थितीत सायंकाळी नागरिकांची बैठक झाली. या बैठकीत बापट गल्ली येथील समस्या काय आहे? यावर चर्चा केली. स्थानिक प्रमुखांच्या उपस्थितीत तोडगा काढण्यात आल्याचे पोलिसांनी सांगितले.