तालुका प्रतिनिधी / अक्कलकोट
शेती व घर वाटणीच्या वादातून चौघांनी मिळून शिक्षक भावास जबर मारहाण केली. अक्कलकोट तालुक्यातील गोगांव येथे ही घटना घडली. यामध्ये शिक्षक चनबसय्या गुरुमुर्ती मठपती (वय ५८) हे गंभीर जखमी झाले आहेत. सध्या त्यांच्यावर उपचार सुरू आहेत. ही घटना दि ११ रोजी सायंकाळी साडेनऊ वाजता गोगाव येथील राहत्या घरासमोर घडली. याबाबत जखमी शिक्षक भावाने अक्कलकोट उत्तर पोलीस ठाण्यात तक्रार दाखल केली आहे.
याबाबत पोलीस सूत्रांकडून मिळालेली माहिती अशी की, चनबसय्या मठपती हे घरी असताना त्यांचे भाऊ बसलिंगय्या मठपती, हिराबाई लिंगय्या मठपती, लिंगराज बसलिंगय्या मठपती, चंद्रकला बसलिंगय्या मठपती हे सर्वजण अचानक घरात येऊन चनबसय्या मठपती यांना म्हणाले की,”तुझे शेतजमीन व घर आम्हाला दे, तुला नोकरी आहे आणि पगार आहे, तुला कशाला शेतजमीन अन घर पाहिजे ? तुला एकटाच मुलगा आहे तू पनवेल या ठिकाणी घर बांधला आहेस मग मूळगावी असलेले घर कशाला पाहिजे ? असे म्हणून चनबसय्या यांना शिवीगाळ करून दमदाटी केली.
यावेळी चनबसय्या हे वाटणी झाल्याप्रमाणे आपल्या हिस्स्याप्रमाणे घेऊ असे सांगत होते. तेव्हा वरील चारही संशयित आरोपींनी त्यांना “तू शेत-घर कसा देत नाहीस, तुझे जीव मारून टाकल्यावर तू काय करणार आहेस ?असे म्हणत मारहाण केली, असे तक्रारीत म्हटले आहे. त्यानंतर आरोपींनी पाठलाग करीत चनबसय्या यांना जिवंत सोडायचे नाही याला मारून टाकू म्हणत काठीने डोक्यावर, हातावर मारून गंभीर जखमी केले. यावेळी डोक्यावर गंभीर जखमा झाल्या असून दोन्ही हाताला जबर मार लागला आहे. चनबसय्या मठपती यांच्यावर खासगी रुग्णालयात उपचार सुरू असून पोलिस अधिक तपास करीत आहेत.
Previous Articleपन्हाळा परिसरात बिबट्यांची डरकाळी; परिसरात भीतीचे वातावरण
Next Article बदलाची फक्त गुगली, दादांची विकेट वाचली!
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.