ऑनलाईन टीम / श्रीनगर :
जम्मू-काश्मीरच्या शोपियाँमध्ये सुरक्षा दल आणि दहशतवाद्यांमध्ये आज सकाळी चकमक झाली. या चकमकील तीन दहशतवाद्यांना कंठस्नान घालण्यात सुरक्षा दलाला यश आले. त्यांच्याकडील दोन एके 47 रायफल्स आणि पिस्तुल ताब्यात घेण्यात आले आहे. जम्मू-काश्मीरचे आयजीपी विजय कुमार यांनी यासंदर्भात ट्विट करून माहिती दिली आहे.
शोपियाँमधील एका परिसरात काही दहशतवादी लपून बसल्याची माहिती सुरक्षा दलांना मिळाली होती. त्यानुसार जवानांनी शोधमोहिम हाती घेतली. शोधमोहिमेदरम्यान दहशतवाद्यांनी जवानांवर गोळीबार केला. त्याला दहशतवाद्यांनी चोख प्रत्युत्तर दिले. या कारवाईत तीन दहशतवाद्यांना कंठस्नान घालण्यात जवानांना यश आले. या परिसरात चकमक अद्याप सुरू असून, दहशतवाद्यांच्या गोळीबाराला चोख प्रत्युत्तर दिले जात आहे.