ऑनलाईन टीम / श्रीनगर :
दक्षिण काश्मीरच्या शोपियांमध्ये सुरक्षा दल आणि दहशतवाद्यांमध्ये आज पहाटे चकमक झाली. या चकमकीत एका दहशतवाद्याचा खात्मा करण्यात सुरक्षा दलाला यश आले. ठार झालेल्या दहशतवाद्याची ओळख अद्याप पटली नसून, या भागात शोधमोहीम सुरू आहे.
शोपियांमधील राखमा भागात काही दहशतवादी लपल्याची माहिती सुरक्षा दलांना मिळाली होती. त्यानुसार शोधमोहीम हाती घेण्यात आली. सुरक्षा दलांनी राखमा परिसराला वेढा घातला. दरम्यान, सुरक्षा दलांचा वेढा घट्ट होताच लपून बसलेल्या दहशतवाद्यांनी सुरक्षा दलांवर गोळीबार सुरू केला. सुरक्षा दलांनी या गोळीबाराला चोख प्रत्युत्तर दिले. यावेळी एका दहशतवाद्याचा खात्मा करण्यात सुरक्षा दलाला यश आले.