देशात आर्थिक संकट तीव्र : राष्ट्रपतींच्या निवासस्थानाबाहेर निदर्शने
श्रीलंकेत सध्या आर्थिक संकटामुळे सामान्य जनजीवन विस्कळीत झालंय. या आर्थिक संकटामध्ये सर्वसमान्यांचे प्रचंड हाल होत असल्याने आता सरकारविरोधातील संतापामुळे लोकांनी रस्त्यांवर उतरुन आंदोलन करण्यास आला रोष व्यक्त करत आहेत. गुरुवारी रात्री उशीरा येथील स्थानिकांनी राष्ट्रपती गोटबाया राजपक्षे यांच्या घराबाहेर आंदोलन केलं.
मोठमोठ्याने घोषणाबाजी करत राष्ट्रपतींनी राजानीमा द्यावा अशी मागणी करण्यात आली. राष्ट्रपतींनी पदावरुन पायउतार व्हावं या मागणीसाठी पाच हजारहून अधिक लोक श्रीलंकेची राजधानी असणाऱ्या कोलंबो शहरामध्ये रस्त्यावर उतरल्याचे पहायला मिळालं. हे आंदोलन रोखण्यासाठी स्पेशल टास्क फोर्स आणि अर्धसैनिक दलाचा वापर करण्यात आला. या ठिकाणी सध्या कर्फ्यु लावण्यात आलाय. या प्रकरणी ४५ जणांना अटक करण्यात आलीय.