बेंगळूर : सहाव्या वेतन आयोगाच्या शिफारसीनुसार वेतनवाढ आणि सरकारी कर्मचारी म्हणून मान्यता देण्यासाठी परिवहन कर्मचाऱयांनी मागील सात दिवसांपासून बेमुदत संप पुकारला आहे. दरम्यान, परिवहन कर्मचारी मागण्यांवर ठाम आहेत तर सरकारही आपल्या भूमिकेवर ठाम असल्याने समस्येवर तोडगा निघालेला नाही. मुख्यमंत्री येडियुराप्पा यांनी संपावर गेलेल्या परिवहन कर्मचाऱयांविषयी असमाधान व्यक्त केले असून चर्चेचा प्रश्नच नाही आणि संपकऱयांना वेतनही देणार नसल्याचे परखडपणे सांगितले आहे. बेंगळूरमध्ये पत्रकारांशी बोलताना ते म्हणाले., परिवहन कर्मचाऱयांनी महिनाभर संप केला तरी त्यांना सहाव्या वेतन आयोगानुसार वेतन देणे शक्य नाही. संपकऱयांशी चर्चेचा प्रश्नच नाही. त्यांना वेतन देणेही शक्य नाही. कामावर हजर झालेल्यांनाच वेतन देण्यात येत आहे. परिवहनला पर्यायी व्यवस्था केली जात आहे, असे त्यांनी स्पष्ट केले. परिवहन कर्मचारी कुणाचे तरी ऐकूण सणाच्या कालावधीत संपावर गेले आहेत. त्यामुळे कोणालाही बोलावून चर्चा करणार नाही. कर्मचाऱयांनी अनुसरलेली भूमिका योग्य नाही. संपामुळे परिवहन खात्याबरोबरच कर्मचाऱयांचीही नुकसान होत आहे, असेही ते म्हणाले.
Previous Articleदेशात खताचा मुबलक प्रमाणात साठा : सदानंदगौडा
Next Article कोरोनाग्रस्त महिलेला बाकावर विव्हळत पडण्याची वेळ
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.