राष्ट्रीय तपास यंत्रणेची कारवाई
बेंगळूर : राज्यात आयएस या दहशतवादी संघटनांच्या संपर्कात असणाऱयांविरुद्ध राष्ट्रीय तपास यंत्रणेने (एनआयए) कारवाई सुरूच ठेवली आहे. बेंगळूरमध्ये आणखी दोन संशयित दहशतवाद्यांना अटक करण्यात आली आहे. थणीसंद्र येथील घरावर छापा टाकून एनआयएच्या पथकाने दोघांच्या मुसक्या आवळल्या असून त्यांची कसून चौकशी केली जात आहे.
ऑगस्ट महिन्यात डॉ. ब्रेव्ह उर्फ अब्दुल रेहमान याला अटक करण्यात आली होती. चौकशीदरम्यान त्याने दिलेल्या माहितीच्या आधारे अब्दुल खादर आणि इरफान या दोघांना अटक केली होती. आता बुधवारी आणखी दोन संशयित दहशतवाद्यांना अटक केली आहे, असे सूत्रांकडून समजते. शहरात आणखी संशयित लपून बसल्याचा संशय एनआयएने व्यक्त केला आहे.