प्रतिनिधी / बेळगाव :
येथील सामाजिक, शैक्षणिक आणि संस्कृतीचा वसा जपणाऱया संस्कृती फौंडेशन संस्थेच्या माध्यमातून गुरूवारी वृद्धाश्रम, स्वच्छता कामगार, पोलीस आणि गरीब गरजू लोकांना पुलाव तसेच पाणी व मास्कचे वाटप करण्यात आले. यासाठी फौंडेशनच्या सर्व सभासद वर्गाचे सहकार्य लाभले आहे.
संपूर्ण जगाला ग्रासलेल्या कोविड-19 विषाणुच्या प्रादुर्भावामुळे जनतेला अनेक समस्यांना तोंड द्यावे लागत आहे. अशा परिस्थितीत अनेक समाजसेवक, सेवाभावी संस्था आपापल्या परिने जनतेला मदतीचा हात देवून सेवा करीत आहेत. याचप्रमाणे संस्कृती फौंडेशन वतीनेही आपला सामाजिक वसा जपला आहे. फौंडेशनचे संस्थापक रणजित उचगांवकर, संजय उचगांवकर, तृप्ती बुत्तेवाडकर, डॉ. राणी बुत्तेवाडकर, श्रद्धा उचगांवकर व पुजा उचगांवकर आदी यावेळी उपस्थित होते.