चंदगड तालुका बेळगाव रहिवासी संघटनेचा 19 वा वर्धापन दिन उत्साहात साजरा
प्रतिनिधी / बेळगाव
चंदगड तालुका बेळगाव रहिवासी संघटनेचा 19 वा वर्धापन दिन रामदेव गल्ली येथील संस्थेत उत्साहात पार पडला. यावेळी प्रमुख पाहुणे म्हणून सरदार्स हायस्कूलचे शिक्षक रणजीत चौगुले हे उपस्थित होते. यावेळी चंदगड बहुउद्देशीय संस्थेचे चेअरमन आणि संघटना सचिव एकनाथ पाटील यांनी व्यासपीठावरील प्रमुख पाहुण्यांचा परिचय करून दिला आणि त्यांचे स्वागत केले.
यावेळी प्रमुख पाहुणे या नात्याने बोलताना रणजीत चौगुले म्हणाले की, चंदगड रहिवासी संघटनेची नाळ आज सर्वसामान्यांशी जोडली गेली असून ती गरजूंचा आधार बनली आहे. कित्येक कुटुंबे या संस्थेच्या माध्यमातून मजबूतदेखील बनली असल्याचे मत त्यांनी यावेळी व्यक्त केले. यावेळी व्यासपीठावर चित्रपट निर्माते गणपत पाटील, चंदगड बहुउद्देशीय संस्थेचे चेअरमन एकनाथ पाटील, उपाध्यक्ष अशोक थोरात, सामाजिक कार्यकर्ते आणि उद्योगपती सुनील चौगुले उपस्थित होते.
यावेळी शुभेच्छापर भाषणात गणपत पाटील यांनी आपला प्रवास सांगत चित्रपट निर्मितीची संकल्पना उलगडली. ‘जीवन संघर्ष फौंडेशन’ च्या माध्यमातून वेगवेगळय़ा सामाजिक कार्यांचा आढावा घेतला. प्रास्ताविक प्रा. एम. के. पाटील यांनी केले.
कार्यक्रमाचे सूत्रसंचालन गंगाधर कंग्राळकर यांनी केले. उपाध्यक्ष अशोक थोरात यांनी आभार मानले.
यावेळी डी. बी. पाटील, पी. सी. पाटील, मारुती बिर्जे, अशोक पाटील, निंगाप्पा पाटील, मारुती गावडे, सुनील पवार, भागोजी गावडे, सुरेश राजगोळकर, महेश कत्यान्नवर, संजय खवनेवाडकर, आनंद पाटील, उमेश कुलकर्णी, विवेक पाटील, एम. पी. पाटील, छाया पाटील, उमेश शिरगावकर यांच्यासह बहुसंख्य संचालक आणि सभासद उपस्थित होते.