प्रतिनिधी /बेळगाव
समादेवी वैश्यवाणी महिला मंडळातर्फे नवरात्री, दुर्गाष्टमीनिमित्त समादेवी मंदिराच्या सभागृहात हादगा घालण्यात आला. मध्यभागी हत्तीची प्रतिमा ठेवून महिलांनी त्याच्या भोवती फेर धरून हदग्याची गाणी म्हटली. यावेळी मंडळाच्या अध्यक्षा शिला बिडीकर व सचिव वर्षा सटवाणी यांच्या पुढाकाराने हा कार्यक्रम झाला. यासाठी अश्विनी कलघटगी, शीतल कुडतरकर, कमल बापशेट, पूनम बैलूर, कांचम हणमशेट यांच्यासह अनेक महिला सहभागी झाल्या होत्या. हादग्यानंतर खिरापत वाटप करण्यात आले.