ऑनलाईन टीम / नवी दिल्ली :
देशात सलग दुसऱ्या दिवशी देखील म्हणजेच सोमवारी पुन्हा एकदा पेट्रोल – डिझेलच्या दरात 60 पैसे वाढ करण्यात आली आहे. त्यामुळे दिल्लीत पेट्रोलची किंमत 71.68 रुपयांवरून 72.46 रुपये प्रति लिटर इतकी झाली आहे. तर डिझेलची किंमत 69.99 रुपयांवरून 70.59 रुपये झाली आहे.
मुंबईकरांना देखील दर वाढीचे चटके सहन करावे लागणार आहेत. मुंबईत आज पुन्हा पेट्रोल 58 पैशांनी वाढले आहे. त्यामुळे मुंबईकरांना पेट्रोलसाठी 79.49 रुपये मोजावे लागणार आहेत. तर डिझेल दर प्रति लिटर 69.37 रुपये झाला आहे.
या बरोबरच कोलकाता आणि चेन्नईमध्ये एक लिटर पेट्रोलसाठी अनुक्रमे 74.46 आणि 76.60 मोजावे लागणार आहेत. तर डिझेलची किंमत अनुक्रमे 66.71 व 69.25 इतकी करण्यात आली आहे.
अशा प्रकारे दररोज पेट्रोल – डिझेलच्या किंमती बदलत राहण्याची शक्यता आहे. त्यामुळे आता कोरोना संकटाबरोबरच सामान्यांना महागाईचा झळ सहन करावी लागणार आहे.