प्रतिनिधी/सांगली
सांगली जिल्ह्यात कोरोनाचा 10 वा बळी गेला आहे. मिरज तालुक्यातील मालगाव येथील 72 वर्षीय महिलेचा कोरोनाने मृत्यू झाला आहे. तर, आज सोमवारी जिल्ह्यात नवे चार रुग्ण वाढले त्यामुळे एकूण रुग्ण संख्या 298 झाली आहे. तर 14 जण कोरोनामुक्त झाले आहेत. उपचारातील रुग्ण संख्या 91 आहे.
उपचारातील रुग्ण पैकी तिघांची प्रकृती चिंताजनक आहे. नवीन रुग्ण कडेगाव तालुक्यातील अमरापुर येथे दोन तर शिराळा तालुक्यातील निगडी येथे दोन वाढले आहेत. आज 14 जण कोरोना मुक्त झाले. त्यामध्ये शिराळा तालुक्यातील मणदूर येथील सहा व्यक्तींच्या समावेश आहे.जत, भिकवडी, निंबवडे, गळवेवाडी, बुधगाव,सोनी, वांगी आणि माळेवाडी येथील प्रत्येकी एक रुग्णांचा समावेश आहे.