प्रतिनिधी / सांगली
सांगलीत राष्ट्रसंत गाडगेबाबा लाँड्री संघटनेच्या प्रथम वर्धापनदिना निमित्त संघटनेच्या सभागृहात घेण्यात आलेल्या मोफत नेत्र तपासणी शिबिरास उत्स्फूर्त प्रतिसाद लाभला. वर्षभरापूर्वी राष्ट्रसंत गाडगेबाबा लाँड्री संघटनेची स्थापना करण्यात आली होती. वर्धापन दिनाचे औचित्य साधून संघटनेतर्फे नेत्रतपासणी शिबिराचे आयोजन करण्यात आले होते. इन्फीगो आय केअर हॉस्पिटलतर्फे ही तपासणी करण्यात आली. परीट समाजाचे अध्यक्ष दत्तात्रय बन्ने यांच्या हस्ते दीपप्रज्वलन करून शिबिराचे उदघाटन करण्यात आले. यावेळी १०० पेक्षा अधिक जणांची नेत्रतपासणी करण्यात आली. नेत्रतपासणीला महिलांचाही प्रतिसाद लाभला. यावेळी लाँड्री संघटनेचे अध्यक्ष गोपाल पवार, महिला आघाडीच्या अध्यक्षा लता साळुंखे, सागर देवरुखकर, धनंजय गाडगीळ, धनाजी कदम, संजय पवार, बन्सी कदम, चंद्रकांत पवार, गणेश डोंगरे, भरत पाळेकर, माजी सैनिक माधव साळुंखे, ओंकार साळुंखे, जयसिंग लोखंडे आदी उपस्थित होते.