प्रतिनिधी / सांगली
केरळमध्ये कोणत्या क्षणी मान्सून दाखल होण्याची वार्ता असतानाच बुधवारी सांगली शहर परिसरात मान्सून पूर्व पावसाने हजेरी लावली. सायंकाळी साडेपाच ते सव्वा सहा यावेळी झालेल्या पावसाने हवेत काहीसा गारवा निर्माण झाला.
बुधवारी दिवसभर सांगलीत प्रचंड उकाडा जाणवत होता. अर्धा ते पाऊण तास झालेल्या पावसाने लोकांना काहीसा दिलासा मिळाला. सांगली शहराबरोबरच आसपासच्या उपनगरांमध्ये आणि विस्तारित भागातही पाऊस झाल्याचे सांगण्यात आले.