प्रतिनिधी / सांगली
आयटीआय सांगली येथील 47 प्रशिक्षणार्थी सुझुकी मोटर्स, हंसलपूर गुजरात येथील प्लॅन्टसाठी एकत्रित रवाना झाले. संस्थेचे प्राचार्य यतीन पारगांवकर यांनी गाडीला हिरवा झेंडा दाखवला.
मागील महिन्यात सुझुकी मोटर्स गुजरातसाठी मुलांच्या परिसर मुलाखती घेण्यात आलेल्या होत्या. त्यात सांगली जिल्ह्यातील आयटीआयमधून प्रशिक्षण पूर्ण केलेले सुमारे 122 प्रशिक्षणार्थी निवडले गेले होते. राहण्या खाण्याच्या मोफत व्यवस्थेसह निवड झालेल्या सर्व उमेदवारांना आमच्या कंपनीत उज्वल भवितव्य असेल अशी माहिती कंपनीचे प्रतिनिधी ठाकूर यांनी दिली. कंपनीने दिलेल्या आश्वासनानुसार आज मुलांना नेण्यासाठी सुझुकी मोटर्स कंपनीकडून बस पाठविण्यात आलेली होती. या भरती मेळाव्यासाठी सहायक प्रशिक्षणार्थी सल्लागार सदाशिव पाटील आणि उपप्राचार्य वसंत घागरे यांचे सहकार्य लाभले.