महापौर पदी दिग्विजय सूर्यवंशी; उपमहापौर पदी उमेश पाटील
प्रतिनिधी / सांगली
सांगली, मिरज आणि कुपवाड महापालिकेत अखेर भाजपचा ‘करेक्ट कार्यक्रम’ झाला आहे. भाजपचे सात सदस्य आघाडीच्या गळाला लागले. त्यापैकी ५ सदस्यांनी थेट काँग्रेस-राष्ट्रवादी आघाडीच्या उमेदवारांना मतदान केले. तर दोन सदस्य गैरहजर राहिले. महापौर पदी आघाडीचे दिग्विजय सूर्यवंशी व उपमहापौर पदी उमेश पाटील यांची निवड झाली. दोघांना ३९ मते मिळाली. सूर्यवंशी हे महापालिकेचे १५ वे महापौर ठरले आहेत.
भाजपचे स्नेहल सावंत, महेंद्र सावंत, अपर्णा कदम, नासीमा नाईक व विजय घाडगे यांनी थेट आघाडीच्या उमेदवारांना मतदान केले. तर उपमहापौर आनंदा देवमाने, नगरसेवक शिवाजी दुर्वे हे गैरहजर राहिले. भाजपचे सात सदस्य फुटले. परिणामी भाजपला वर्षात सत्ता सोडावी लागली.