कुपवाड / प्रतिनिधी
कुपवाडमधील हनुमाननगर भागात बंद घराच्या दरवाजाचे कुलुप काढून अज्ञात चोरट्यांनी ७६ हजार ५०० रुपये किंमतीचे सोन्याचे दागिने चोरून नेल्याचे मंगळवारी सकाळी उघडकीस आले होते.
याप्रकरणी गुन्हा दाखल झाल्यानंतर कुपवाड पोलिसांनी छडा लावून संशयित वैभव बसवेश्वर सन्नकी (१९, रा. पाण्याच्या टाकीजवळ, कुपवाड) या चोरटयास अटक केली. त्याच्या ताब्यातील एक सोन्याची चेन, नेकलेस, अंगठी व बदाम मिळून ७६ हजार ५०० रुपये किंमतीचे सर्व दागिने हस्तगत केले. त्याला गुरुवारी न्यायालयासमोर उभे केले असता दोन दिवस पोलिस कोठड़ीत ठेवण्याचा आदेश न्यायालयाने सुनावला. याबाबत दत्तात्रय मारुती साळुंखे (३५, मुळगाव अंजणी ता.तासगाव) यांनी फिर्याद दिली होती.