तासगाव/प्रतिनिधी
तासगाव शहरासह तालुक्यात शनिवारी दोन गावात दोन रुग्ण सापडले असले तरी तालुक्यात सध्या दिलासादायक चित्र पाहावयास मिळत आहे. तर तासगाव शहरात एकही रुग्ण सापडलेला नाही. ही एक दिलासादायक बाब आहे.
तालुक्यात आत्तापर्यंत १८७ दिवसात कोरोना बाधित रूग्णाची संख्या ३१६४ झाली आहे. तर तालुक्यातील सावळज व वंजारवाडी येथे प्रत्येकी एक असे एकूण २ रूग्ण सापडले आहेत. तालुक्यात गेल्या काही दिवसांपासून रूग्ण संख्या कमी, मृत्यू चे प्रमाण कमी असे चित्र पाहवयास मिळत आहे. त्यामुळे नागरिकांच्यातून समाधान व्यक्त होत आहे.