प्रतिनिधी / सांगली
सांगली जिल्हा परिषदमध्ये केलेल्या कामाची देयके खात्यावर जमा करण्यासाठी आणि कामाचे डिपॉझिट परत करण्याच्या मागणीसाठी 35 हजार रुपयांची लाच मागणारा बांधकाम विभागातील कनिष्ठ सहाय्यक अरुण योगीनाथ कुशिरे वय 57 रा. ऊरूणवाडी इस्लामपूर यास सांगली लाचलुचपत प्रतिबंधक विभागाने रंगेहाथ पकडले.
कुशिरे याने तक्रारदार व्यक्तीकडे 35 हजाराची मागणी केली. त्यापैकी पंचवीस हजार रुपये घेताना त्याला पकडण्यात आले. गुरुवारी दुपारी सव्वा दोनच्या दरम्यान ही कारवाई करण्यात आली. यामुळे सांगली जिल्हा परिषदेमध्ये एकच खळबळ माजली आहे.