एकास अटक, अन्य तिघांचा शोध सुरू
प्रतिनिधी / मिरज
मिरज-म्हैसाळ रस्त्यावर विजयनगर गावच्या हद्दीत गोवा बनावटीची अवैध दारु वाहतूक करणारा टाटा सुमो पकडून पोलिसांनी दोन लाख, 12 हजार, 480 रुपयांचा दारुसाठा तसेच वाहतुकीसाठी वापरलेली टाटा सुमो चारचाकी असा सात लाख, 17 हजार, 480 रुपयांचा मुद्देमाल जप्त केला आहे.
रविवारी सकाळी सात वाजता ही कारवाई करण्यात आली. याप्रकरणी टाटासुमो चालक अजय आबासा शिंदे याला अटक करण्यात आली असून, चारचाकीही जप्त करण्यात आली आहे. दरम्यान, सदरची दारु बाळासा पंडीत तांबे (रा. लक्ष्मीनगर, मालगांव) याची असल्याचे स्पष्ट झाले असल्याची माहिती पोलिस उपाधीक्षक अशोक वीरकर यांनी दिली.