कुपवाड / प्रतिनिधी
कुपवाडच्या प्रभाग क्रमांक आठमधील विद्यानगर वारणाली येथील नियोजित मल्टीस्पेशलिटी हॉस्पिटलच्या जागेची रविवारी राज्याचे जलसंपदा व लाभक्षेत्र मंत्री व जिल्ह्याचे पालकमंत्री जयंत पाटील यांनी भेट देऊन पाहणी केली. मल्टीस्पेशलिटी हॉस्पिटल पूर्णत्वासाठी लवकरच भूमीपूजन घेऊन कामास सुरुवात करणार असल्याचे ना.जयंत पाटील यांनी यावेळी बोलताना सांगितले.
यावेळी महापौर दिग्विजय सूर्यवंशी, आयुक्त नितीन कापडणीस, राष्ट्रवादीचे शहर जिल्हाध्यक्ष संजय बजाज, नगरसेवक विष्णू माने, राहुल पवार, शेखर माने, शेडजी मोहिते, संतोष पाटील, सुनील भोसले यांसह मनपातील प्रशासकीय अधिकारी व प्रभागातील प्रतिष्ठित नागरिक उपस्थित होते. कोरोना महामारी सारख्या भयानक परिस्थितीत हॉस्पिटल लवकरात लवकर पूर्ण होईल याचा प्रयत्न करण्यात येईल, असे सांगण्यात आले.