सहा वर्षानंतर निकाल, अडीच हजारांचा दंड
प्रतिनिधी / मिरज
सहा वर्षांपूर्वी महिलेच्या विनयभंग प्रकरणी अशोक हणमंत म्हैसाळे (वय 32, रा. गंगानगर, आकाशवाणी केंद्राच्या पाठीमागे, हरिपूर ) या आरोपीला प्रथमवर्ग न्यायदंडाधिकाऱ्यांनी एक वर्षांच्या कैदेची शिक्षा सुनावली. तसेच अडीच हजार रुपयांचा दंडही ठोठावला. दंड न भरल्यास आणखी एक महिन्यांसाठी साधी कैदही होणार आहे. पिडीत महिलेकडून कोर्टात बाजू मांडणाऱ्या सरकारी वकील श्रीमती आसावरी जोशी यांनी काम पाहिले.
दरम्यान विनयभंगाची ही घटना सहा वर्षांपूर्वी घडली होती. मात्र, त्याचा निकान सोमवारी 18 जानेवारी 2021 मध्ये लागला. अखेर सहा वर्षानंतर का होईना आरोपीला शिक्षा मिळाली आणि पिडीत महिलेला न्याय मिळाला. त्यामुळे सरकारी वकिल म्हणून काम पाहिलेल्या श्रीमती आसावरी जोशी यांचे अभिनंदन होत आहे.