प्रतिनिधी / सांगली
हरिपूर तालुका मिरज येथे गजानन कॉलनी या उपनगरात 1 कोरोना बाधित रुग्ण आढळल्याने हरिपूर ग्रामपंचायतीच्यावतीने संबंधित ठिकाणी तात्काळ सर्व त्या उपाय योजना करण्यात आल्या असून 30 जुलै अखेर गावात कडकडीत बंद करण्याचा निर्णय घेण्यात आला आहे. अशी माहिती हरिपूरचे सरपंच विकास हणबर व ग्रामसेविका राठोड यांनी दिली आहे. विशेषतः मॉर्निंगवॉक व सायकलींगसाठी येणाऱ्यांनी नोंद घेण्याचे आवाहन करण्यात आले आहे. दवंडीच्या माध्यमातून गावात याबाबत जनजागृती करण्यात येत आहे.
जिल्ह्यात सर्वत्रच कोणाचे रुग्ण वाढत आहेत. गेल्या चार महिन्यांपासून हरिपूर मध्ये पुरेपूर खबरदारी घेत कोरोनापासून सुरक्षित ठेवण्यात आले होते. मात्र गुरुवारी सायंकाळी हरिपूर मधील गजानन कॉलनी येथे एक कोरोना बाधित रुग्ण आढळलेला आहे. संबंधित रूग्णावर तात्काळ उपचार सुरू करण्यात आले, असून त्यांच्या संपर्कातील लोकांची तपासणी करण्यात येत आहे. खबरदारीचा उपाय म्हणून गजानन कॉलनी परिसरात औषध फवारणीसह इतर सर्व उपाय योजना तात्काळ करण्यात आल्या आहेत. शासन नियमानुसार कंटेन्मेंट झोन तयार करण्यात आला आहे.
कोरोनाचा प्रादुर्भाव आणखी वाढू नये यासाठी हरीपुर गावांमध्ये 30 जुलै अखेर कडकडीत बंद पाळण्यात आला निर्णय घेण्यात आला आहे. अत्यावश्यक सेवा वगळता इतर सर्व व्यवहार बंद राहणार आहेत याची सर्वांनी नोंद घेऊन सहकार्य करावे असे आव्हान ग्रामपंचायतीच्यावतीने करण्यात आली आहे. यावेळी अरविंद तांबवेकर, पोलीस पाटील उमाकांत बोंद्र, उपसरपंच स्नेहलता पवार यांच्यासह सर्व ग्रामपंचायत सदस्य व प्रमुख ग्रामस्थ उपस्थित होते.
Previous Articleकर्नाटकः १०० वर्षाच्या वृद्ध महिलेची कोरोनावर मात
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.