प्रतिनिधी / नवारस्ता
कोयना धरणातून सुरू करण्यात आलेल्या विसर्गामुळे आणि पाटण तालुक्यात संततधार पडणाऱ्या पावसामुळे कोयना नदीला पूर आला असून मुळगाव पूल पाण्याखाली गेला त्यामुळे तालुक्यातील जनजीवन विस्कळीत झाले. दरम्यान, या तालुक्यातील पुरपरिस्थितीची ची पाहणी आज राज्याचे गृह व अर्थ राज्यमंत्री शंभुराज देसाई यांनी केली.
यावेळी मंत्री देसाई यांनी तालुक्यात पावसाचे प्रमाण कमी होत असून पूरपरिस्थिती संदर्भात मी स्वतः सर्वत्र लक्ष्य ठेवून आहे. तालुक्यातील प्रशासन सतर्क आहे. कसलीही अडचण आल्यास थेट मला संपर्क करावा असे आवाहन केले. दरम्यान, गृहराज्यमंत्र्यांनी तालुका स्तरावरील सर्व अधिकारी यांची पाटण येथे पूरपरिस्थिती संदर्भात तातडीची आढावा बैठक घेतली.