जिल्हातील काही कि.मी.चा भाग वाहतुकीस बंद
सांगली प्रतिनिधी
सातारा ते कोल्हापूर राष्ट्रीय महामार्ग क्र. 4 सांगली जिल्हा कि.मी. 667,400 ते कि.मी. 668,400 या भागातील काँक्रीट रस्त्याचे व्दिपदर क्षतीग्रस्त झाले आहे. त्याचे तातडीने मजबुतीकरण व दुरूस्ती करण्याकामी जिल्हादंडाधिकारी डॉ. अभिजीत चौधरी यांनी दि. 16 फेब्रुवारी ते 30 एप्रिल या कालावधीसाठी सदर काँक्रीट व्दीपदर मार्गाचा पृष्ठभाग वाहतुकीस बंद करून त्यावरील वाहतुक कराड ते कोल्हापूर राष्ट्रीय महामार्ग क्र. 48 च्या कराड कोल्हापूरच्या पश्चिम दिशेने एकाच मार्गीकेमधून वळविणे व वाहतुक सुरक्षा उपाययोजनेव्दारे वाहतुक नियंत्रित करण्याचे आदेश निर्गमीत केले आहेत.
पोलीस अधीक्षक सांगली / कोल्हापूर / सातारा, ग्रामीण व पोलीस अधीक्षक, महामार्ग पोलीस, पुणे विभाग पुणे यांनी 16 फेब्रुवारी ते 30 एप्रिल या दरम्यान कि.मी. 667/400 ते कि.मी. 668/400 या दरम्यान वाहतुकीचे नियोजन करण्यासंबंधी आवश्यक आदेश निर्गमित करावेत. प्रकल्प संचालक भारतीय राष्ट्रीय राजमार्ग प्राधिकरण कोल्हापूर यांनी कि.मी. 667/400 ते कि.मी. 668/400 या दरम्यान वाहतुकीचे सुचना फलक, दिशा चिन्ह इत्यादी सर्व वाहतुक सुरक्षिततेच्या उपाययोजना कार्यान्वित कराव्यात, असे आदेश जिल्हादंडाधिकारी डॉ. अभिजीत चौधरी यांनी दिले आहेत.