कराड / प्रतिनिधी
सातारा जिल्ह्यातून जाणा-या लोहमार्गावर रेल्वेचे थांबे वाढवावेत यासह प्रवाशांच्या सुरक्षिततेसाठी सातारा रेल्वे पोलीस स्टेशन सुरू करावे अशी मागणी खा. श्रीनिवास पाटील यांनी लोकसभेत केली.
सातारा जिल्ह्यातून जाणा-या मध्य रेल्वे मार्गाच्या संदर्भातील मुद्दे लोकसभेत उपस्थित करत खा. श्रीनिवास पाटील यांनी या मागण्या केल्या. ते म्हणाले, पुणे-मिरज-हुबळी मध्य रेल्वे मार्गावरील लोणंद या ठिकाणी मोठी बाजारपेठ व औद्योगिक क्षेत्र आहे. तसेच आषाढ महिन्यात संत ज्ञानेश्वर महारांजाची पालखी या ठिकाणावरून जात असते. या पालखी सोहळ्यास लोखो भाविकांची उपस्थिती असते. परंतु हे शहर रेल्वे मार्गाच्या दोन्ही बाजूला वसलेले आहे. त्यामुळे एका बाजूवरून दुस-या बाजूला जाण्यासाठी नागरिकांना अडचणी निर्माण होत आहेत. याठिकाणी एक अंडर पास व दोन ओव्हर ब्रीज बांधले गेल्यास ते नागरिकांच्या दृष्टीने सोयीचे ठरणार आहेत.
दक्षिण व उत्तरी राज्यातील काही नागरिक सातारा जिल्ह्यात स्थायिक झाले आहेत. मात्र त्यांना आपल्या गावी जाण्यासाठी पुणे किंवा मिरज रेल्वे स्टेशनवर जावे लागते. ते रेल्वे प्रवाशांसाठी गैरसोयीचे ठरत आहे. त्यामुळे या ठिकाणी मध्य रेल्वेचे थांबे वाढवण्यात यावेत. याशिवाय सातारा शहराजवळ एक रेल्वे पोलीस स्टेशन मंजूर झाले आहे. मात्र गेल्या दहा वर्षापासून ते अद्याप कार्यान्वित झालेले नाही. परिणामी रेल्वे प्रवासादरम्यान चोरी झाल्यास, महिलांच्या बाबतीत काही गैर कृत्य किंवा अनुचित घटना घडल्यावर त्यासंदर्भातील तक्रार देण्यासाठी नागरिकांना पुणे किंवा मिरज या ठिकाणी जावे लागत आहे. रेल्वे प्रवाशांच्या सुरक्षिततेच्या व सोयीच्या दृष्टीकोनातून येथे मंजूर असलेले पोलीस स्टेशन लवकरात लवकर सुरू करण्यात यावे अशी मागणी देखील त्यांनी सभागृहात केली.
Previous Articleकर्नाटक: शेतकरी आणि इतर संघटनांनी दिली कर्नाटक बंदची हाक
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.