प्रतिनिधी / सातारा
कंपनीच्या उत्पादनावर त्रुटी असल्याचे दाखवून 10 हजार रुपयांची मागणी करणाऱ्या वजन काटे विभागातल्या दोघांना लाचलुचपत विभागाने अटक केली आहे.
त्यांच्यावर गुन्हा दाखल केला असून त्यांची नावे निरीक्षक, वर्ग-२ लहू उत्तम कुटे (रा.प्लॉट नं. 59 युनिट नंबर 2, अंबाई डिफेन्स कॉलनी,शिवाजी विद्यापीठ कोल्हापूर), क्षेत्र सहायक, वर्ग-३ चंद्रकांत राजाराम जाधव (रा. आंबेगाव ता.कडेगाव जि.सांगली) अशी आहेत.
ही कारवाई लाच लुचपथचे पोलीस अधीक्षक राजेश बनसोडे, अप्पर पोलीस अधीक्षक श्रीमती सुषमा चव्हाण यांच्या मार्गदर्शनाखाली पोलीस उप अधिक्षक अशोक शिर्के, पो.ना.राजे, पोशि काटकर, भोसले यांनी केली आहे.