प्रतिनिधी / सातारा
कोरोनाच्या पार्श्वभूमीवर सध्या सर्व शाळांना सुट्टी आहे.पण या सुट्टीत ही मुलांना शिक्षण दिले गेले पाहिजे हा हेतू ठेवून व्हॅर्चुअल शिक्षण देण्याचा पहिला क्लास रविवारी चार वाजता ऑन लाईन असा पार पडला.मुलांना शिक्षक एन.ए.कदम यांनी गणित या विषयी शिकवले.
ही संकल्पना माध्यमिकचे शिक्षणाधिकारी राजेश क्षीरसागर यांनी केलेली असून यामध्ये मुक्ताबाई भोसले हायस्कूल नागझरी कोरेगाव व छत्रपती प्रतापसिंह हास्कूल भरतगाववाडी ता.सातारा इयत्ता नववीचे विद्यार्थी सहभागी झाले होते.सातारा जिल्हा मुख्याध्यापक संघाचे अध्यक्ष सचिन नलवडे, सहसचिवअवधुत चेंडके व भरत मोजर यांचा व्हर्चुअल क्लासमध्ये सहभाग होता.तसेच डायट फलटणचे प्राचार्य कोरडे, गटशिक्षणाधिकारी रविंद्र खंदारे यांनी ही विद्यार्थ्यांशी हितगुज केले.माध्यमिक शिक्षणाधिकारी राजेश क्षीरसागर यांनी विद्यार्थ्यांना मार्गदर्शन केले.