वृत्तसंस्था/ क्लेव्हलँड
डब्ल्यूटीए टूरवरील येथे सुरू असलेल्या क्लेव्हलँड महिला खुल्या टेनिस स्पर्धेत भारताच्या सानिया मिर्झाने अमेरिकन साथीदार ख्रिस्टीना मॅकहेलसमवेत दुहेरीची उपांत्य फेरीत गाठली आहे.
महिला दुहेरीच्या उपांत्यपूर्व फेरीच्या सामन्यात मिर्झा आणि मॅकहेल या जोडीने झेकची हार्डेका आणि चीनची झेंग यांचा 6-3, 6-3 अशा सरळ सेट्समध्ये तासभराच्या लढतीत पराभव करत उपांत्य फेरी गाठली. उपांत्य फेरीत सानिया आणि मॅकहेल या जोडीची लढत नॉर्वेची इकेरी व अमेरिकेची हॅरीसन यांच्याशी होणार आहे.