बेळगाव : अनगोळ येथील शिवनेरी चौक आयोजित हाफपिच क्रिकेट स्पर्धेत सिद्धीविनायक अनगोळ संघाने डेंजर बॉईज अनगोळ संघाचा पराभव करून शिवनेरी चषक पटकाविला.
अनगोळ येथे आयोजित या हाफपिच क्रिकेट स्पर्धेच्या अंतिम सामन्यात सिद्धीविनायक र्स्पोट्स अनगोळ संघाने प्रथम फलंदाजी करताना 5 षटकात 4 गडी बाद 32 धावा केल्या. त्याला उत्तर देताना डेंजर बॉईज संघाने 5 षटकात 6 गडी बाद 29 धावाच केल्या. सामन्यानंतर प्रमुख पाहुण्यांच्या हस्ते विजेत्यांना चषक व रोख रक्कम देऊन गौरविण्यात आले. या संघाला माजी नगरसेवक विनायक गोपाळ गुंजटकर यांनी शुभेच्छा दिल्या.