लवकरच ऑक्सिजन फ्लँटची उभारणी
प्रतिनिधी / कोल्हापूर
सीपीआर हॉस्पिटल परिसरात असलेली 60 वर्षांपुर्वीची पाण्याची टाकी अखेर सोमवारी जमीनदोस्त झाली. ही टाकी पाडल्यानंतर येथे लवकरच ऑक्सिजन फ्लँटची उभारणी केली जाणार आहे.
सीपीआर हॉस्पिटल परिसरात पी.एम. रूमशेजारी 60 वर्षांपुर्वी महाराष्ट्र पाणी पुरवठा मंडळाच्या माध्यमातून 45 हजार लिटर्सची पाण्याची टाकी उभारली होती. ही टाकी मोडकळीस आल्याने गेल्या 10 वर्षापासून तिचा वापर बंद झाला होता. ही टाकी धोकादायक बनली होती. त्यामुळे सीपीआर प्रशासनाने 15 दिवसांपुर्वी ती पाडण्यास सुरूवात केली होती. रविवारी टाकीचे उर्वरीत पिलरही काढण्यात आले. सोमवारी हा सारा काँक्रीटचा ढिगारा हटवण्यात आला. आता या जागेवर ऑक्सिजन फ्लँट उभारला जाणार आहे, अशी माहिती अधिष्ठाता डॉ. एस. एस. मोरे यांनी दिली.