बेंगळूर
राज्य मंत्रिमंडळ विस्ताराची चर्चा सुरू असतानाच भाजपच्या राष्ट्रीय कार्यकारिणीमध्ये मुख्य सचिवपद मिळालेले सी. टी. रवी मंत्रिपदाचा राजीनामा देणार आहेत. भाजप प्रदेशाध्यक्ष नलीनकुमार कटील यांनी ही माहिती दिली आहे. तुमकूर येथे शुक्रवारी पत्रकारांशी बोलताना नलीनकुमार कटील म्हणाले, पक्षात ‘एका व्यक्तीला एकच पद’ असा नियम आहे. याची जाणीव सी. टी. रवी यांना देखील आहे. त्यामुळे ते स्वतःहून मंत्रिपदाचा राजीनामा देणार आहेत, असे ते म्हणाले. अलिकडेच सी. टी. रवी यांची नेमणूक भाजपच्या राष्ट्रीय मुख्य सचिवपदी नेमणूक करण्यात आली आहे. त्यामुळे काही दिवसांपूर्वीच त्यांनी आपण मंत्रिपदाचा राजीनामा देणार असल्याचे सांगितले होते.