ऑनलाईन टीम / हैद्राबाद :
दाक्षिणात्य सुपरस्टार रजनीकांत यांची प्रकृती अचानक बिघडली असून त्यांना रुग्णालयात दाखल करण्यात आले आहे. त्यांचा रक्तदाबामध्ये सातत्याने चढ-उतार होत असल्याने खबरदारी म्हणून त्यांना हैदराबादमधील अपोलो रुग्णालयात हलवण्यात आले असून तेथे त्यांच्यावर उपचार सुरु आहेत.
रजनीकांत यांच्या ‘अन्नाथे’ या चित्रपटाचे चित्रीकरण नुकतेच रोखण्यात आले होते. कारण क्रूमधील सहा सदस्य कोरोना पॉझिटिव्ह आढळले होते. यानंतर रजनीकांत यांनी स्वत:ला चेन्नईमधील आपल्या फार्महाऊसमध्ये क्वॉरन्टाईन केले होते.
दरम्यान, अन्नाथे या चित्रपटाचे दिग्दर्शन सिरुथई सिवा करत आहेत. या चित्रपटात रजनीकांत यांच्यासह नयनतारा आणि किर्ती सुरेश महत्त्वाच्या भूमिका दिसणार आहेत. रजनीकांत आगामी 31 डिसेंबर रोजी आपल्या राजकीय पक्षाची घोषणा करणार आहेत.