प्रतिनिधी/ बेळगाव
दारुचे व्यसन हानीकारक असून ते सोड, असे घरच्यांनी सांगितल्यामुळे नाराज झालेल्या मुळचा सुळेभावी आणि सध्या भारतनगर, वडगाव येथे वास्तव्यास असलेल्या तरुणाने गळफास घेऊन आत्महत्या केली आहे.
मंगळवार दि. 25 रोजी रात्री हा प्रकार उघडकीस आला. मारुती गोपाल सोनटक्की (वय 32) असे आत्महत्या केलेल्या तरुणाचे नाव आहे. तो विणकर काम करत होता. काही दिवसांपासून कामाच्या निमित्ताने तो भारतनगर येथे वास्तव्यास होता. घराच्या छताला नायलॉनच्या दोरीने फास लावून त्याने आपले जीवन संपविले आहे. शहापूर पोलिसांत घटनेची नोंद झाली असून उत्तरीय तपासणीनंतर मृतदेह नातेवाईकांच्या ताब्यात देण्यात आला.